AIZAWL: Excise & Narcotics Department leh CADS, Central YMA tangkawp chuan Nilaini zing dar 1:30 khan Upper Republic veng, Aizawl-ah heroin gram 37 (Hawng 3) leh a neitu nia puh – Lalsiamchhunga (23) s/o Biakzama (L), Sialhawk, tuna Upper republic venga cheng nia inchhal an man.
Ruihhlo man kaihhnawih chhui zelnaah hian END chuan Nilaini tlai dar 3:30 khan Venghnuaiah heroin Kg 3 & 989 grams (Hawng 307) leh a neitu nia puh mi pakhat – Lalchhandama (22) s/o Lalhrilliana, Sialhawk, tuna Venghnuai TTS-a khawsa mek nia inchhal an man bawk.
Ningania heroin man hi Kg 4 & 26 grams (Hawng 310) a ni a. Ruihhlo vanga mante hi The Narcotics Drugs & Psychotropic Substances Act, 1985 tlawhchhana thubuai siamsak an ni a. Special Court (NDPS Act)-ah thawn nghal an ni.
Heroin vanga mante hi thiam loh an chan chuan kum 10 atanga kum 20 thleng tantir bakah Rs. Nuai 1 atanga 2 thleng chawi tura hrem theih an ni bawk.