July thla tawp lam atang khan Gambia-ah hian naupang kum nga hnuai lam, kal tha lo avanga damlo leh thi an pung hluai a, WHO-in an rama damdawi lam thuneitute a biak hnuah a chhan chhui zui a ni.
Gambian sorkar chuan naupang 69 vel zet an thi niin a puang zui.
WHO chuan thil thlengte a chhuinaah India atanga khuh damdawi an lak luh chu a him tawk lo va, heng naupangte thih chhan pawh hi niin an puh zui a. Fimkhur tura tihna a chhuah zui.
Hetih lai hian Gambia-a national regulator chuan October thla tawpah khan heng damdawi palite hi naupangte nen an inkaihhnawih a ni tih finfiahna tha tawk a awm lo tih a sawi ve bawk.
“Damdawi an ei avanga thi an ni tih sawi turin engmah tihchian a la awm lo. A ei ve miah lo naupang eng emaw zat pawh an thi tho,” tiin Tijan Fallow chuan a sawi tih Reuters chuan a tar lang.