Miami Heat point guard Tyler Herro chuan an team record dinglai chu a tluk mai bakah NBA record thar a siam a. A zawna inkhel a 3 points vawi 9 aia tam lut thei hmasa ber a ni.
Herro hian Zirtawpni zinga Houston Rockets 111-108 a an hneh tumin three points vawi 10 a lut a. Point 41 a score.
Tun NBA regular season inkhel vawikhat a point a score hnem ber tum a ni bawk a. 3 points vawi 10 hi Heat record dinglai a tlukna chiah a ni tel. Heat chanchin a inkhel pakhat a 3 points vawi 10 lut thei palina a ni.
Herro hian tunkar khan Oklahoma City Thunder nen an inkhelh tumin point 35 a score a, 3 points vawi 9 a lo lut tawh.
“Kan inkhelh hnuhnun ber tuma vawi 9 ka luh hnuah khan vawi 10 hi record a ni tih ka hre chiah a. Tun inkhelah khan record siam tumna ka nei hranpa lem lo. Mahse 3 points luh hnem kha inkhelah khan a pawimawh tih ka hria a, luh tum a ka shoot tam hrim hrim khan min pui.” a ti a. Vawi 15 a shoot atang vawi 10 a lut.