Malaysia-a Selangor state-ah lei minin chawlh hmanga mi an inkulhna (holiday campsite) a chhilh avangin naupang telin mi 19 vel an thi.
Batang Kali khuaa farm chhungah, puan ina chhungkaw eng emaw zat an riah laiin Zirtawpni zing dar 3:00 (India-a zing dar 12:30) velah lei hi a min.
Chhanchhuah hna thawktu za chuangin Zirtawpni khan lei thianin dam chhuak an dap.
Farm-a manager-te chuan zan riak tur hian naupang 30 vel leh puitling 51 an inziak lut tih an sawi.
Tual chhung chanchinbute chuan Malaysian thuneituten mi 14 chin an la hre lo tih an sawi tih an tar lang a, thawktu 700 chuang zet chhanchhuah leh mi zawn hna thawk an awm.
Malaysian fire department chuan thi zingah hian naupang pawh pali vel an tel niin an sawi.
New Straits Times chanchinbu chuan primary school zirtirtu 20 chuang leh an chhungte he hmunah hian an riak khawm tih an tar lang.
Tual chhung sorkara Development Minister Nga Kor Ming chuan camping site hi dan lova kalpui a nih thu a sawi.
Nga-a chuan hmun hlauhawm – lui kam, tuikhawhthlah hnaih leh tlanga camping site awmte chu ni sarih chhung inkhar vek turin a hriattir nghal.
Lei hi engvanga min nge hriat a ni lo va, camp-na hmun chhak hi ramngaw, tlangram ni bawk niin Batang Kali kawng a ni a, Genting Highland region hnaiha awm a ni.
Tual chhung mite chuan ruah tlem chauh a tla tih an sawi a, tam tham emaw, lirnghing emaw a awm lo tih an sawi a. Hetih rual hian Malaysia-ah hian fur lai a ni mek.
Camp-na hmun chhak ft 100 vela sang atangin lei hi a min tan a, a hnuaiah a inchhawp thla ta rup a ni.
Malaysia-a rescue agency-ten thlalak an thehdarhah chuan helmet khum chungin thawktuten le leh thing tlute an thian.
Camper pakhat, Teh Lynn Xuan chuan a nu nen an dam a, a nuta pakhat thiin pakhat dang hliam tuarin damdawi ina dah a nih thu a sawi.
Prime Minister Anwar Ibrahim-a pawhin Zirtawpni tlai khan chhiatna thlenna hi a tlawh.