Central KTP-in tun thla ni 20 zan dar 7 atanga tanin Aizawl Sipai Lammual-ah fak leh chawimawina -Glorify 22- a buatsaih dawn a. Pathian fakna hla a Mizo zaithiam langsar ber ber te leh Mizo musician tha ber ber te an inlan ang.
Hripui leng avanga kumhnih zet a chet theih loh hnu leh khawvel thawm na tak karah zaithiam leh musician tha ber ber te nena Pathian fak leh chawimawina hun CKTP-in a buatsaih tur chu thalai tam tak bakah nu leh pa tam tak pawhin an nghahhlelh thu an sawi.
Glorify 22 atan hian zaithiam te leh musician ten hla zirin zan 17 zet hun an hman bakah Pathian thua intuaitharna (retreat) hial neiin he hun a hlawhtlin theih nan hian theihtawp an chhuah a ni.
Pathian fak leh chawimawina hunpui -Glorify 22- hi a hmuna chhim thei lo tan pawh Central K|P youtube channel-ah live a pek chhuah tum a ni.