North Eastern Council (NEC) Golden Jubilee chu vawiin khan Shillong-ah Prime Minister Narendra Modi hova lawm a ni a. Mizoram atang pawhin Larsap Hari Babu Kambhampati leh Chief Minister Zoramthanga bakah official thenkhat te an tel.
Prime Minister chuan project hrang hrang Rs. vaibelchhe 2450 man hu lungphum phumin a hawng a. India hmarchhak state-a hmasawnna hnathawh tur project hrang hrang lungphum a phum zingah Mizorama Daido – Vawngkawt road project pawh a tel.
NEC Golden Jubilee lawmnaah hian Union Home Minister, NEC Chairman ni bawk Amit Shah, Union Minister, NEC Vice Chairman ni bawk G. Kishan Reddy, Union Minister of State B.L. Verma, Lok Ranjan, DoNER Secretary te pawh an tel a ni.