SEDP hnuaia Vaimim chingtute hman tur Vaimim hersawmna khawl (maize grinder) chu vawiin khan Agriculture Minister C. Lalrinsanga’n a sem a. Tualchhunga khawl siam Buhpawl channa (chaff cutter) leh Telhawng cutter te pholan a ni bawk.
Agriculture Minister chuan Agriculture and allied sector-te chu ram changkangte hmasawnna bulthut an nih thu a sawi a, ram economy thanna chu Agriculture department-a thawktute mawhphurhna a nihna chen a awm thu a sawi.
Ramchhunga tharchhuah bakah thawnchhuah tam zawk a awm theihna’n hmabak thui tak la awm mahse, hmathlir thui tak neia hmasawn zawnga kal zel a tul thu Agriculture Minister chuan a sawi a. Khawl tha chakna chhawra, loneitu ten an kutkawiha tharchhuah tam zawk (mechanisation, privatisation, large scale production) an neih chu Chief Minister pawhin a ngaihpawimawh thu a sawi.
Agriculture Minister chuan nikum lama SEDP hnuaia Vaimim chin chu Sazu leh Fall army worm ten tihchhiatsak mahse, Vaimim tharchhuahte chu khaw chhunga mamawhna hrang hrangah tangkai taka hman a nih thu a sawi bawk.