Excise & Narcotics Minister Er. Lalrinawma’n vawiin khan Central YMA pisa tlawhin, ruihhlo dona kawnga CYMA-in a hman atan tanpuina sum a pe.
Excise Minister chuan CYMA chu mipuite him theihna atana theihtawp chhuahtu, ram leh hnam tana thahnemngai taka thawk thin an nih thu sawiin, fakawm a nih thu leh hun lo kal zel turah thawhhona tha neih zel a duh thu a sawi a. Ruihhlovin mimal, chhungkua leh thalai thahnem tak a tibuai thin chu pawi a tih thu sawiin, ruihhlo do kawnga hmalaknaah Zoram mipui zawng zawngte mahni awmna hmun theuhah tangruala, theihtawp chhuah tul a tih thu a sawi bawk.