Kohhran Thianghlim Youth Evangelical Front North Group huaihawt in Civil Hospital Aizawl tan athlawn in thisen an pe.
Kohhran Thianghlim hian Jerusalem khawmpui denchhen in tum 7 an lo pe tawh a, religious category ah phei chuan lawmman 1-na vawiruk an la tawh a.
Kumin 2022 ah hian Kohhran Thianghlim dintu Dr.LB Sailo, kum 2021 Oct ni 10 a chatuan ram pan ta hriatreng nan thisen pek hi buatsaih leh an ni. Dec ni 27&28 (ni hnih) chhung hian Solomon’s Temple Kidron Valley Chawlhmun a, thisen pek hi Civil Hospital, Aizawl Blood Bank ten ahmun ah kal chilh in, thisen pe mi 485 anni a, mipa 323 leh hmeichhia 162 in thisen hi an pe ani.
Dr.R.Rothangpuia HOD, Blood Bank, Civil Hospital chuan “Hun pui vuakvet avanga NGO, School, kohhran leh tlawmngai hrang hrang te thisen pek, kan chawlh thup lai leh krismas vuakvet, accident tam lai, thisen mamawh laia Kohhran Thianghlim thalai ten thisen an rawn pe thin hi ahlu in alawmawm em em a. Tunlai hian thisen var mamawhna hi asang em em a, avar leh sen mamawhna hi 50/50 akai chho tawh a. Thisen var phei hi chu, ni 5 chhung bak athi mai tawh si a, tum khat a, tam lutuk lak aharsa a, thisen pe chak tam tak, han hnawl rih ngai kha, a hrehawm zawk hle a, thalai hruaitu ten min hriatthiampui kha kan lawm zawk khawp ani, a ti.