Mizoram Excise & Narcotics department-in kumin thla 11 chhungin ruihhlo leh a kaihhnawihah 5267 an man tawh.
Excise & Narcotics department hotute’n THE ZOZAM TIMES an hrilh danin, kumin January atanga november thla chhung khan rakzu litre 82,789.445 , zu bilh lai tin 145368 , zu siamna bungbel chi hrang hrang 2173 leh dawidim kg 479 an man tawh.
Sap zu thahnem tak an man tawh bawk a, um puitling bottle 19,437 , um chanve bottle 637, millilitre 180 chi bottle 412, beer bottle 166, beer can millilitre 500 chi 31,676 leh millilitre 300 chi can 177 an man tawh bawk.
Heng bakah hian ruihhlo chi hrang hrang heroin kg 28.687, ganja kg 140.600, khuh damdawi bur 1766, alprazolam tablet 21,237, nitrazepam tablet 337, tramadol tablet 505 leh methamphetamine kg 101.829 an man tawh bawk a ni.
Heng zu leh ruihhlo chi hrang hrang an man kaihhnawiah hiah mi 5267 leh lirthei 141 an man tawh bawk a ni.