Buarpui khuaa Helicopter tumhmun ‘Helipad’ thar, MLA fund hmanga siam chu vawiin khan bialtu MLA, Minister ni bawk C Lalrinsanga’n a hawng.
Helipad thar hawng tur hian Minister C Lalrinsanga leh amah tawiawmtute chuan Mizorama service mek Pawan Hans Helicopter hmangin Lengpui Helipad atangin Buarpui hi an pan a, minute 18 chhung vel an thlawh hnuah Buarpui Helipad hi an thleng a ni.
Minister C Lalrinsanga chuan Buarpui khuain Helipad thar an nei ta chu a lawmpui thu sawiin, Helicopter chu mipui nawlpuiin hmang chur chur kher lo mahse, damloh nikhuate, official thil pawimawhah leh rikrum thilah te a tangkai dawn hle tih a sawi a. Buarpui khawtlang bakah a chhevel khua ten tangkai taka hmang tur an hman a duhsak thu a sawi bawk.