Sorkar laipuia National Commission for Minorities (NCM), Secretary SK Dev Verman hovin vawiin khan Secretariat Conference hall-ah Mizoram sorkar officer te an thukhawm a. Mizorama minorities (hnam hnufual leh sakhaw hran zuitu mi tlêm zâwkte) hmasawnna tûra sorkar hmalakna leh chhawmdawlna chungchang an sawiho.
NCM Secretary hova thutkhawmah hian Secretary, DC&MA Dr. Lalrozama, Aizawl Bawrhsap, Aizawl SP bâkah Minorities-te hmasawnna ngaihtuahtu Department officer engemawzât an tel.