Northeast Frontier (NF) Railway chuan India rama rel kawng zawh thui ber, chawlhkar khata vawi hnih chauh tlan thin, 15906/15905 (Dibrugarh – Kanniyakumari – Dibrugarh) Vivek Express chu kar khata vawi li tlan turin a tlan zat a tipung dawn.
Train No. 15906 (Dibrugarh – Kanniyakumari) Vivek Express hi Inrinni leh Thawhlehniah chauh tlan thin a ni a, May 7, 2023 atang hian Inrinni, Pathianni, Thawhlehni leh Ninganiah zel a tlan tawh dawn tih NF Railway chuan a puang.
Hetiang bawk hian train No. 15905 (Kanniyakumari – Dibrugarh) Vivek Express pawh Ningani leh Pathianni chauhva tlan thin chu May 11, 2023 atang chuan Nilaini, Ningani, Inrinni leh Thawhtanniah a tlan thin tawh dawn bawk a ni.
Train No. 15906 (Dibrugarh – Kanniyakumari) Vivek Express hi Dibrugarh atangin zan dar 7:25-ah chhuakin a chhuah atanga ni lina chawhma dar 10:00-ah Kanniyakumari a thleng thin dawn a ni.
A let zawnga tlan, train no.15905 (Kanniyakumari – Dibrugarh) Vivek Express chu Kanniyakumari atangin zing dar 7:20-ah chhuakin a chhuah atanga ni lina zing dar 8:50-ah Dibrugarh a thleng ve bawk ang.
Heng rel pahnih hian coach 22 zet neiin an zinga pakhat chu AC Two Tier a ni a, AC Three Tier pali, Sleeper Class 11, General Seating pathum, Pantry Car pakhat leh Power cum Luggage Rakes pahnih te an ni.