Napoli in Serie A season kallaiah hnehna an chang chhunzawm a, 2-0 in Sampdoria an hneh.
Pathianni zana Stadio Luigi Ferraris a inkhelah Serie A hmahruaitu in Victor Osimhen leh Eljif Elmas te hmangin goal an khung a. Minute 6-naah penalty an hmuh erawh Matteo Politano chuan a khung thei lo.
Napoli striker Osimhen-a’n tun season a Serie A goal 10-na a khung a. January thla a striker ngaihven hlawh hi hralh an tum lo tih a club lmain an sawi tawh.
Sampdoria in halftime hma in Tomas Rincon chu red card avangin an chan bawk.
Coach Luciano Spalletti chuan, “Squad puitling tak ka hmu a, kan inkhel kha rilru fim hman ngaihna a ni. A tir lam avang khan chiai nghal ringawt ni ila chiang takin kan talbuai thei.” tiin inkhel zawhah a team a fak.