Telecom major Reliance Jio chuan Thawhlehni hian Assam-a Guwahati khawpuiah 5G service an hawng dawn.
Assam Chief Minister Himanta Biswa Sarma chuan Jio True 5G service hi Dispur-ah chawhnu dar 2.30-ah a hawng dawn a ni.
January 6 khan telecom giant hian 5G service chu India-a khawpui lian dang pali – Gwalior, Jabalpur, Ludhiana leh Siliguri-ah an tih belh dawn tih an lo puang tawh a, Jio 5G service hi khawpui 72-ah hman theih a ni dawn ta a ni.
Company chuan Jio True 5G hi rang taka pek chhuak a nih thu sawiin, khawpui lianah chauh pek a la ni rih tih an sawi a, technology-a thanna chu khawpui lianten an chang hmasa a ni.
Jio hian fifth-generation mobile system (5G) service hi October 4 khan Delhi, Mumbai, Varanasi leh Kolkata-ah an pe tan a, October 22-ah Nathdwara leh Chennai-ah an pe zui bawk.
November 10-ah Bengaluru leh Hyderabad pe lehin a tukah Gurugram, Noida, Ghaziabad leh Faridabad-ah an pe.
Pune-ah November 23-ah pein Gujarat-a district 33-ah November 25-ah an pe tan bawk.