Sushant Singh Rajput thih hnu kum thumna ah a In luah ruak reng chuan luahtu thar a hu ve ta.
Mumbai-a a chenna In a thi a hmuh Bollywood actor Sushant awmna Inpui hi luahtu nei lovin kum thum zet a ruak a, Mumbai-a inkhuar real estate broker Rafique Merchant chuan tuipui ral rama cheng Indian pa pakhatin thla ram vak lo liam ta kha rawn bia in, tunah hian tihfelin a awm ta, a ti.
Inremna ang chuan thla khat luah man hi cheng nuai 5 a ni dawn a, deposit-ah cheng nuai 30 dah a ni ang. Hei hi thla ruak luah man nen a inhen tihna a ni bawk.
India Today-in a kawmnaah Merchant chuan, “Luahtu thar kan hmu tawh a, tunah hian a chhungte nen a hmawr kan bawk a ni deuh mai a, hun rei tak luahtu nei mumal lova awm tawh a ni a, mite pawhin an ngaihven reng a, tunah chuan an thaw huai tawh turah kan ngai,,” tiin a sawi.
Sushant hi June 14, 2020 khan a chenna In ah thi a hmuh niin, post mortem buaipuitu hospital staff te chuan thah a nih ngei thu an sawi ni awmin, media hrang hrangin an tarlang.
A chenna In ruak hi luah lut duh aw ve thin bawk mah se, eng emaw taka hlau ru deuh that an awm vang te, chhungte’n an sawibuaisak thin vangte’n luahtu a hmu zo mai lova. Amaherawhchu, hun eng emaw chen atang tawh khan tlawhtu a nei deuh reng tho niin, Merchang hian a sawi bawk.