Brooklyn Nets star forward Kevin Durant chu Miami Heat nen an inkhelh tumin a khup dinglam a ti na a, a inkhel zo ve thei lo.
Nets coach Jacque Vaughn chuan tukin lamah Durant-a hliam hi endik a nih tur thu a sawi.
Durant hi third quarter tawp dawn lamah a inhliam a. Heat swingman Jimmy Butler chuan ball chu rim-ah a luhpui laiin Nets star Ben Simmons chuan a lo dang a. Butler-a tla hian Durant chu a delh zui a, hetah hian a inhliam.
Nets guard Kyrie Irving chuan, “Ka bula thil thleng a nih avangin ka hmu chiang hle. Hetiang thil thleng thei hi a hlauhawm. A chhan chu engtiklai pawhin a inrin reng theih loh thin. Mahse a taksa a uluk a, inti chak tura a beih nasat avangin vanduaina tawk pawh nise a aia na zawk ni thei tur lakah a him ni ah ka ngai.” tiin a sawi zui.
Nets hian season bul tan tha lo mahse tunhnaia an inkhel hnuhnung 20 atangin vawi 18 hnehna an chang tawh a. Heng hnehnaahte hian Durant hi pawimawh hle mahse a tel lova an buai loh an beisei ang.