Chelsea manager Graham Potter chuan an forward Christian Pulisic chu khup hliam avangin kar engemaw zat a chawlh a ngai dawn tih a sawi.
United States winger hi Ningani zana Premier League a Manchester City nen an inkhelh tumin a inhliam a. John Stones nen ball an inchuhnaah a in ti na.
Man City nena an inkhelh nawn hnuah Potter chuan Pulisic chungchang zawhna chhangin, “Christian hian a khup a ti na tha leh a, tunah hian uluk zawka en dik leh a ni mek a, mahse kar engemaw zah chu chawlh a ngaih ka ring.” tiin a sawi.
Chelsea hian player pawimawh inhliam a neih belh zel a. Striker Pierre-Emerick Aubameyang bakah Reece James, N’Golo Kante, Ben Chilwell, Wesley Fofana, Edouard Mendy, Ruben Loftus-Cheek leh Armando Broja te an chawl mek.
Anni bakah English winger Raheem Sterling pawh FA Cup-ah a inkhel thei lova. City nen an inkhelh hmasak zawk tumin minute nga chauh a khelh hnuah lakchhuah a ni. Potter chuan Sterling chu fimkhur avanga la chhuak an nih thu a sawi bawk.