Season chawhma lam chhe taka an khar hnuah Atalanta in kuminah a vawikhatna atan hnehna an chang a. Thawhtanni zanah Bologna an hneh.
Stadio Renato Dall’Ara-ah Gian Piero Gasperini pawlte hian 2-1 in hnehna an chang a, goal chhuah hmasa zawkah tang hma hle mahse second half tan tir lamah an sut zo.
Bologna winger Ricardo Orsolini chuan minute 6-naah goal khungin hma an hruai nghal thuai a. Penalty area hmawr atangin tun season a a league goal thumna a khung.
First half-ah Bologna in goal hlauhawm ngah zawk mahse second half-ah Atalanta an che hmasa zawk. Minute 47-naah Dutch midfielder Teun Koopmeiners chuan goal mawi hmangin an si phurh a sut a. Minute 58-naah forward Rasmus Hojlund chuan an chakna goal a khung.
Atalanta hi league inkhel hnuhnung panga atang vawi khat an chakna a ni a. Tun season-ah duhthusam a bul tanin an club chanchin a vawikhatna atan a zawnin match 10 tlawm lovin bul an tan a. Mahse a tawp erawh khar tha lovin World Cup chawlh hma in November thla khan a zawnin vawi thum an tlawm thung a ni.