HRD Board Vice Chairman, MLA ni bawk Dr L. Thangmawia’n “YMA chu mahni tan ni lova midangte tana thawk thin pawl lian ber a ni” a ti a. “YMA chu Zofate tana Pathian min pek, Pathian hming lam chunga kohhran hnarkaitute din a ni a, vawiin thlengin midangte tana malsawmna thlentu pawl ropui ber a ni chho ta zel a ni” a ti.
YMA, Chiahpui branch-in an din champha kum 60-na (Diamond Jubilee) nimina an lawmnaah he thu hi HRD Board Vice Chairman, MLA ni bawk Dr L. Thangmawia chuan a sawi a. Diamond Jubilee lungphun hawngin, kum 1963-a YMA, Chiahpui branch dintu zing ami la dam Lalramthangi, Zahniamlovi, Upa Dengchungnunga leh Upa Ngamsangvunga te hnenah chawimawina thuziak a hlan bawk.
L Thangmawia chuan ruihhlovin thalaite a run mek thu sawiin, hei hi hnam boral theihna hlauhawm ber te zinga mi a nih thu a sawi a. Ram leh hnam humhim turin ruihhlo laka YMA member te an fihlim a tul thu a sawi.
Tunlai naupang leh tleirawl/rawlthar te tan chhungkua, zirna sikul leh sande sikul tih loh chu inzirtirna hmun a awm ta lo tih sawiin, L Thangmawia chuan henga fun kim sen ni si lo, khawtlang/vantlang tana an puitlin hnua an mawhphurhna leh khawtlang leh ram tan bakah midangte tana inpekna kawnga kaihruai turin YMA chhang chu tunlai mila YMA-in a kalpui theih dan awm se a duhawm thu a sawi bawk.
L Thangmawia hian YMA Jubilee pualin YMA leh Chiahpui VC hnenah portable PA set a pe a, MUP leh MHIP te hnenah No a pe bawk a ni.