Los Angeles Clippers in a zawna vawi ruk an tlawm kaltluang chu an titawp a. West team tha Dallas Mavericks 113-101 in an hneh.
Clippers tan hnehna channa kawngah star player Kawhi Leonard a pawimawh a, point 33 score in defense-ah pawh a hokhawmtu a ni a. Norman Powell chuan point 27 a score ve bawk.
Leonard hian khup hliam avangin season hmasa a khel lova. Tun season bul tan lai pawhin inkhel lo mahse tunhnaiah inkhelin ngai a awh leh tawh a. Tunhnai game nga chhungin point 24 aia tam score na vawi li a nei.
Clippers coach Tyronn Lue chuan, “Kan tan inkhel tha tak niin ka hria a, minute 48 chhung team tha tak kan el tawk hle a, hnehna chang turin kan sual chhuak bawk. Kawhi khan inkhel pum khan min kaihruai a. Shot 12 atanga point 33 score theih hi a tha hle.” tiin a player a fak.
Dallas Mavericks tan star player Luka Doncic chuan point 43 a score a. Tun season-ah vawi 19 an tlawmna niin West-ah palina an ni mek.