Xinjiang, China-a lungalhthei laih chhuahna hmun chu a khur mawng lam tuiin a chim avangin mi 21 an tang mek.
Khur atang hian mi pariat chhan chhuah an nih tawh tih tualchhung emergency department-in a tar langin mi dang 21 hi chhan chhuah leh tuma beih mek a ni.
Inrinni zana tuiin khur mawng lam a chim hnu lawk atang kawlphetha hman a buai nghal a. Mi 29 chu Xinjiang-a Hutubi county-ah hian an tang ta a ni.
Mi tangte hi awmna an hre deuh vek tawh thung.
China rama lungalhthei, rangkachak leh thil dang dang laichhuahna khurte hi khawvela a hlauhawm ber ber an ni.
Nikum January thla khan China-ah vek hian Shandong province-a rangkachak laih chhuahna hmunah mi 10-in nunna an lo chân tawh.
December khan Chingqing bula thil laih chhuahna pakhata chhiatna thlengah mi 23 an thi a, he chhiatna thlen hma thla thumah helai hmun hnaihah hian lungalhthei laih chhuahna hmunah mi 16 an lo thih tawh bawk.
China ramah hian thil laih chhuahna khura chhiatna lian tak tak thleng hi a tam thin hle a. Sorkarin dan a zamten zawm a hlawh tha tawk lo thin a, thuneitute pawhin dan zawm a ni tha em tih an endik ngun lo thin bawk.