Australian Open champion lai Rafael Nadal chu karleh a khelh tan tur inelnaah mipa seeded number one pek a ni.
Melbourne Park a inelna neih turah hian world number one ni lai Carlos Alcaraz chu a inhliam avangin a tel dawn lova, hei vang hian Nadal hian number one seed hi a chang. Vawi kua champion tawh Novak Djokovic chu seeded number four a ni ve thung.
Kar hmasa khan Alcaraz hian malpui hliam a neih avangin a khelh loh tur a tichiang tawh a. Nadal hi ATP rankings-ah pahnihna ni lai a ni.
Hmeichhe lamah nikum hmang tha tak Iga Swiatek chu seeded number one a ni a. French Open leh US Open champion lai hian Australian Open lak belh a tum dawn.
Tunisian player hmasawn tak Ons Jabeur chu seeded number two a ni a. Jessica Pegula, Caroline Garcia leh Aryna Sabalenka ten an dawt.
Australian Open vawi 111-na hi karleh Thawhtanni atangin an khel tan ang.