Dutch striker Wout Weghorst chuan Manchester United nen sawizawm an nih hnuah England lam pan ngei a tum a. Besiktas training pawh a zawm lo niin an sawi.
United hian thla ruk chhung loan a hawh turin inremna an nei tawh angin tunhnaiah sawi a ni a. Loan a hawh man Pound maktaduai 2.6 vel an chawi dawn niin an sawi.
English club Burnley a contract nei lai a ni a, Turkish club Besiktas in season tluan atan loan in an hawh tawh. Club pathumte hian inremna an nei mai dawn niin sawi nimahsela Besiktas lamin loan tihtawp an remtih a ngai a. A hmunruak luah tur an lakluh hma chu insawn an remti lo niin a lang.
Weghorst hi a insawnna tifel turin England a kal tum a ni a, mahse hei hi club lamin phalna an pe duh lo.
Hei vang hian club training zawm tura tih niin a zawm lova, a taksa ah hliam a nei niin Nilaini training a zawm lo tih Turkish chanchinbumiten an sawi.
Kum 30 mi feet 6 leh inches 6 a sang Weghorst hian Besiktas tan match 18 atang goal 9 a khung tawh.