Indian batsman ropui Virat Kohli chuan ram tana century vawi 73-na a siam a. Sri Lanka laka run 67 a an chakna kawngah pawimawh hle in One Day International vawi thum an khelh tura a hmasa berah India an chak nghal.
Guwahati a inkhelah Kohli hian ball 87 atang run 113 a siam a. ODI ah a zawna century a siamna a ni. Run 52 leh 81 a siam laiin ‘catch out’ theih nimahsela Sri Lanka lam an chesual a, vanneihna a lamah a tang.
India tan Rohit Sharma (83) leh Shubman Gill (70) ten bul an tan that chu a pawimawh hle bawk a. Over 50 chhungin run 373 an siam.
Captain Dasun Shanaka chuan Sri Lanka tan hian run 108 siam ve tho mahse 306 bak over 50 chhungin an tlin lo.
Kum 34 mi India captain hlui Kohli hian ODI century a siam vawi 45-na a ni a. Indian legend Sachin Tendulkar-a’n record a siam lai chu vawi li in a la pha lo.
India bowler zingah fast bowler Umran Malik chuan wicket thum a la ve bawk.
ODI vawi hnihna hi vawiin chawhnu hian Kolkata-ah an khel ang.