Chinese police-te chuan mipa pakhat, Guangzhou khawpuia kea kalte car-a a sut chiam hnu leh mi panga lai thia mi dang 13 an hliam hnuah an man.
He thil thleng hian mi tam tak a tithinrim hle a, a tum reng vanga hetianga che hi niah an ngai.
Online-a video dah chhuah pakhatah chuan mi a suta a car a din hnuah a khalhtu hi chhuakin van lam hawiin pawisa a vawr tih a lang.
Police chuan mipa kum 22 mi a man a, an chhui zui mek.He thil hi China chhim lam, mi maktaduai 19 zet chenna khawpui, Guangzhou-a Nilaini tlai, kawngpui intawh khawmna hmun, mi a tam vanglaia thleng a ni.
Hetiang thil hi China-ah hian a lo thleng tawh thin a. February, 2022 khan chhim lama Fujian province-ah mi pakhatin truck tê chiin mi kawng kal a su chiam a, mi pathum thiin mi pakuain hliam an tuar.