Thawhtanni atanga khelh tan tur Australian Open draw chu neih a ni a. Mipa inelna lamah player langsar pahnih Rafael Nadal leh Novak Djokovic te chu an awmna ‘bracket’ letling chiahah dah an ni a. Hei vang hian final-ah bak an intum thei dawn lo.
Seeded number 4 hauhtu Djokovic hian nikumah Covid 19 vaccine a lak loh avangin tournament hi a khel thei lova. Tun tumah erawh tel thei dawnin Spanish mi Roberto Carballes Baena chu first round-ah hmachhawnin bul a tan ang.
Nadal-a’n British player beiseiawm Jack Draper a hmachhawn dawn.
Vawi nga Australia a final khel tawh Andy Murray leh Wimbledon finalist ni tawh Matteo Berrettini te an intum nghal dawn bawk.
Hmeichhe inelna lamah champion tura rin hlawh ber world number one ni lai Iga Swiatek chuan Jule Niemeier hmachhawn in tournament bul a tan ve thung ang.