Argentina tana World Cup a chawi hnuah a club lamah Lionel Messi a kir leh hnua a inkhel hmasa berah goal a khung nghal a. 2-0 in Ligue 1-ah Angers an hneh.
Nilaini zana Parc des Princes a inkhelah Messi hi World Cup zawh a chawlh rei zawk pek a nih hnuah bul tan tir a ni a. Khelmualah mipui lawm a hlawh hle.
French forward beiseiawm Hugo Ekitike chuan minute 5-naah PSG tan goal hmahruai a khung a. Second half-ah a goal siamsaktu Nordi Mukiele bawkin Messi goal khung tur a siamsak ve leh a ni.
World Cup final a Messi te ram hmachhawntu France star player Kylian Mbappe erawh chawlh pek a la ni a. Hei vanga khel Ekitike chuan, “Kan result mamawh a ni a, goal khung hian inrintawkna min siamsak avangin ka lawm hle.” tiin inkhel zawhah a sawi.