Aizawl: MPYCC chuan Mizoram sorkarin tun thlenga tar pension, hmeithai leh rualbanlote hnena thla tina a pek tur tanpuina pawisa a la batsak chu a rang thei ang bera pe turin an phut.
An thuchhuahah Congress |halai hian, Mizoram sorkarin Social Assistance Programme (NSAP) hnuaia tanpuina Central atanga lokal chu September 2022 thleng chauh state matching share an pek bak central sorkarah a changtu minister-ten an nawr zui loh avangin tar, hmeithai leh rualbanloten an lawmman dawn ve tur leh an innghah vena ber a hun taka an hmu thei lo chu pawi an tih thu an sawi.
MPYCC chuan Chief Minister leh a sangawizawnpui contractor-ten a vaibelchhe tela bill an lak thin laiin, tar leh hmeithai bakah rualbanlote thlenga lawmman mi pakhatah cheng sangkhat vel chauh pawh an pe thei lo hi lungchhiatthlak an tih thu an sawi a. MNF sorkar hi tar, hmeithai leh rualbanlote tan innghahna tlak sorkar a nih lohzia a chiang hle nia an hriat thu an sawi bawk.