King of Rock N’ Roll, Elvis Presley fanu neihchhun Lisa Marie chu kum 54 mi niin a thi.
A nu Priscilla Presley chuan, “Rilru tawt leh ri tak chungin ka fanu duhawm Lisa Mariei’n min kalsan tak thu lungchhiatthlak tak hi ka hriattir che u a ni,” a ti.
Zaithiam ni bawk Lisa Marie hi ningani zan khan Damdawi In ah rang taka dahluh niin, lungphu that loh vang niin, US media te’n an tarlang a, a chenna Calabasas,, California-ah nikhaw hre lovin an hmu nia sawi a ni bawk.
Priscilla Presley thuchhuah siamah, “Ka mi hriat tawhah chuan chak leh huaisen, nune leh zai dam ber a ni,” a ti a, hun harsa leh channa nasa tak karah an mimal zelnna zahsak hram turin ngenna a siam bawk a ni.
Chanchin buatsaih lai hian A nu-in a thihchhan leh vang dik tak a sawi lang lo thung. Hei hian titi a tihtam phah hle.