India chuan Covid-19 laka invenna pek kûtpui a hman mek chu a kalpui mek zel a, Thawhtanni khan dose nuai 40 chuang a pe leh hman.
Prime Minister Narendra Modi-an a ngen leh rawt angin kûtpui, Teeka Utsav hi Pathianni atang khan hman tan niin vawiin thleng hi a awh dawn.
Thawhtannia a ni hnihnaah khan dose nuai 40 chuang pek hman a ni a. January 16, 2021 atanga invenna pek tan ni 87-na hi ni khata pek tam ber tum a tling a, huam zau zawk leh tam zawk pek beihpui thlak zel a ni.
A pekna hmun, Covid Vaccination Centre pawh tihpun a ni a, a hmaa centre 45,000 dawn awm kha 26,000 chuang siam belhin tunah chuan 71,000 chuangah pekna siam a ni tawh.