Manchester United chuan Netherlands striker Wout Weghorst chu season tluan atan loan in an hawh dawn.
Kum 30 mi Burnley forward hian season chawhma lam Besiktas-ah loan in a hmang tawh a. Ningani zan khan medical nei turin Manchester a pan a. Zirtawpni tlai lamah khan contract a ziak fel a, nizan khan a insawnna tifel hman tura ngaih a ni.
Weghorst hian tun season-ah Turkish league-ah match 16 khelin goal 8 a khung bakah assist vawi li a nei tawh a. Besiktas hnenah hian United in Euro maktaduai 3 an lak chhawnna turin an pe ang.
Hetihlai hian a hnampui, midfielder Donny van de Beek chu Bournemouth nen an inkhelh tuma a khup a tihnat avangin tun season a inkhel tawh dawn lo tih an sawi chiang bawk.