MV Gangla Vilas Director Raj Singh chuan five-star hotel kal theiah hian mi 36 awm theihna pindan 18 a awm a, thawktu mi 40 an awm thei bawk tih news agency PTI hnenah a sawi.
Metre 62-a sei niin metre 12-a zau a ni a. A chhungah hian spa, salon leh gym a awm a. Ni khat chuan man hi ₹ 25,000 atanga ₹ 50,000 inkar vel tur niin ni 51 an zinna man chu ₹ Nuai 20 vel daih a ni dawn tih Singh chuan a sawi.
“Lawng hi pollution free system-a thuam a ni a, bengchheng a awm lohna tura cheibawl vek a ni bawk,” a ti.
Sewage Treatment Plant dah niin Ganga tibawlhhlawh miah lo turin a hnawmte a sawngbawl thei dawn a. Tui tihthianghlimna khawl awmin Ganga lui tui chu inbual nan leh in tlak turin a chhuah thei dawn bawk.