Aizawl: Zirtawpnia NGO Co-Oridination Committee thukhawm chuan tun hnaia Myanmar sipaiten India chhunga tum hnih bomb an thlak chu ram himna tiderthawngtu nia ngaiin an dem thu an sawi.
Central YMA President R Lalngheta nimina thutkhawmah January 10 leh 11-a Myanmar sipaiten indo thlawhnaa India rama tum hnih bomb an thlak chungchang an sawiho a. Khawvel ramten democracy tun din leh duh a Myanmar sorkar an kawmserh mek laia an ram chhung helte bei tura thawk chhuak Myanmar sipaiten India boruak an rawn lut leh India ram ngeia tum hnih bomb an thlak hi, India ram himna tiderthawngtu nia ngaiin, pawi an tiin an dem tak zet tih an sawi.
India ram himna leh zahawmna venhim a nih zel theih nan hma la turin India sorkar an phut tlat thu leh, hemi bawhzui nan hian Union Home Minister-ah lehkha thehluh an tum thu an sawi bawk.