Aizawl: ZPM President Lalliansawta chuan ram chhungah sorkar thar siam turin ZPM boruak a tha chho zel niin a sawi.
Nimina ZPM chhung inkhawmah thu sawiin Lalliansawta chuan mite thinlung inhawngin sorkarna chelh turin ZPM boruak a lian chho zel tih sawiin, “Sorkarna la chelh ngai lo mi tharten kalphung thar nen sorkarna chelh ve se tih duhna a lian zel,” a ti.
Lalliansawta hian sorkarna chelh turin hna an la ngah avangin an tan mar pat reng a ngai a, an kal zelna turah rilru puitling tak pu a, ram leh party tana thil tha hlen chhuak thei tura lungrual taka ke an pen tlan a tul tih a sawi.
ZPM president hian inthlan lo awm turah hian rorelna te, lalna te hi Pathian ta a ni tih an hriata an dah pawimawh ber a tul tih a sawi a. An campaign-naah pawh rilru leh taksain Pathian lam a hawi chuan chakna a keng ang a, mi rilruah pawh thu a sawi ngei a beisei thu a sawi bawk.
ZPM General Secretary Lalthlamuana kaihhruai inkhawmah hian ZPM Working President leh Campaign Committee Chairman K Sapdanga bakah General Secretary B Lalchhanzova te pawhin thu an sawi.