Aizawl : Khawzawl district-a VC zawng zawng te hnenah nimin khan kangthelhna (fire extinguisher) pakhat theuha sem a ni a. Fire extinguisher te hi State disaster response fund (SDRF) hmanga lei a ni.
MS Dawngliana (Nanoa) chuan Fire extinguisher dawngtute chu a hman dan leh a dahthat leh enkawl dan a zirtir nghal a. Quick response ream (QRT), Khawzawl DC office enkawl ten rikrum leh chhiatna thlen thulha chhanchhuah hna tha- wh dan tur entirin, VC member kalkhawmte chu tih tir chhin an ni bawk.
Khawzawl Bawrhsap, District disaster management authority (DDMA) Chai- rman ni bawk C.C. Lalchhuangkima’n kangmei laka inven chu mitin mawhphurhna a nih thu leh hemi kawnga khawtlang hruaitu VC ten mawhphurhna an neih thu a sawi a. In leh ram kang a awmlohna tura mahni veng leh khua theuhah tanlak a tul thu a sawi.
Kangmei a chhuah- in awmze nei taka hmalak a tul thin thu leh roreltu leh mipui thununtu awm a tul thin thu Bawrhsap chuan sawiin, Village level disaster management committee-te kutah hna pawimawh tak a tla lo thei lo tih a sawi bawk.