Aizawl : Ruihhlo leh a kaihhnawih laka India ram a fihlim theihna tura sorkar laipui hmalakna ‘Nasha Mu- kh Bharat- drug free India campaign’ Cha- mphai district-a kalpui- tu tur District level Nasha Mukt Bharat Abhiyaan (NMBA) co- mmittee chu nimin khan Champhai Bawr- hsap James Lalrinchhana hovin an thukh- awm a. Hmalak mekna leh hmalak zel dan tur te an sawiho.
Champhai Bawrh- sap chuan India ram puma drugs hluarna district 372 zinga ruihhlo do beihpui thlak kawnga hmalakna tura thlan zingah Undivided Champhai district a tel thu sawiin, NMBA chu hemi kawnga hma la tura din line deptt hra- ng hrangte telna a nih thu a sawi a. Inpawhtlang taka thawhho a pawimawh thu a sawi.
District Level narco coordination centre (NCORD) committee hmalaknate nena inngheng tlat a nih thu leh kalkawp tir thiam a pawimawh thu pawh Bawrhsap chuan a sawi a. Hnathawk rual thalai tam tak ruihhlovin a tihbuai leh hnathawk tlak lova a chhuah chu veiawm a tih thu leh ruihhlo do kawnga theihtawp chhuah tlan a tul thu a sawi bawk.
NMBA committee thukhawm chuan Nasha Mukh Bharat campaign-a kumin chhunga Champhai district-a hmalakna tur annual action plan duan te thlirhovin, hmalak mekna leh thla tina hmalakna tur te sawiho bawk a ni.