Chief Minister Zoramthanga chuan Assam Rifles te hmun thar Zokhawsanga a hma thei ang bera insawn tura a duh thu leh hemi tana hma la tura a duh thu 24 Sector Assam Rifles Commander thar Brigadier Girish Upadhyay SM, VSM a hrilh.
Nimina chief minister chenna ina an inkawmnaah Brig. Girish Upadhyay chuan, Mizorama lo awm thar a nih angin Mizo mipuite nen inlaichinna tha tak neihpui a duh thu a sawi a. Assam Rifles chu Home Ministry thu angin insawn tur tho tho a nih thu te, a rang thei ang ber a insawn fel theih nan leh, tuna an hmun chhuahsan tura Laldenga Centre leh project dang te a hma thei ang bera hmalak a nih theih nan theihtawp a chhuah tur thu a sawi.
Chief minister-in a tih theih chinah theihtawp a chhuah angin amah pawhin an hotute bulah theihtawpa a lo nawr tur thu a sawi bakah thawhhona tha tak an neih ho zel a beisei thu a hrilh bawk.