Kum 4 hnua Shah Rukh Khan (SRK) film hmasa ber tur ‘Pathaan’ chuan ngaihven hlawh tawh hle in, film tlangzarh atanga ni nga chhung leka cheng vaibelchhe 300 vel hmuhchhuah hman an beisei.
Zero (2018) hnu lama SRK comeback nghahhlelhawm tak hi spy thriller a ni dawn a, social media lamah pre booking ti an tam thu leh buaipui luai luai a nih dan te nasa taka share mek a ni.
Heti ang hi a nih vangin hripui len hnu a pre booking nei thei film liantham ber a nih mai a rinawm ta a, nikuma tihchhuah Brahmastra: Part One- Shiva pawh a khum hneh tura ngaih a ni bawk.
Deepika Padukone leh John Abraham te inlanna ni bawk, ‘Pathaan’ hi karleh January 25, 2023 hian tlangzarh tum a ni.