Karbi Anglong district, Assam-ah police leh United People’s Revolutionary Front (UPRF) hel pawl chu nimin khan nasa takin an inkap a, hel pahnih an kap hlum.
Police-ten UPRF an kah hlumte kut atang hian AK-47 rifle pahnih an laksak a. Assam DGP Bhaskar Jyoti Mahanta chuan inbeihna thlenna hmunah hian silai puak a la awm reng tih nimin chawhnu khan a sawi.
“Assam police chuan huai takin Karbi Anglong-a beihpui an thlaknaah United Peaple’s Revolutionery Front mi pahnih an kap hlum a, AK-47 an laksak bawk a. Inkahna hi a la kal zui reng a ni,” tiin Assam DGP hian Twitter-ah a tar lang.
“UPRF hel pawl hi mi ruk bo leh Churachandpur-a ruihhlova sumdawngte nen pawh thawhhona tha tak nei an ni,” a ti bawk.