Social media lama a chanchin dik lo tak tak thehdarh a nih hnu ah intihhlum duhna leh tumna hial a nei hman niin, Cardi B-i’n a sawi.
The Jason Lee Show-ah Cardi B chuan 2019 kuma a nuna thil thleng hahthlak leh tawrh hrehawm tak sawichhuakin, “Thihna taksa chhunga awm ang maia inhriatna ka nei a, midangte bulah pawh, ‘Thih ka duh. Thih daih ka duh. Thih mai ka duh’ tihte’n ka sawi fova, intihhlum tumna kha a nasa hman hle,” a ti.
Heti anga hun harsa leh khirh tak a tawn lai khan a pasal Offset chuan kawng engkimah tanpuiin, a thawven zawk nan atiin Domican Repubic ramah a thlawhluhpui a, chawlh hahdamna a neihpui hial a ni.
Thih duhna leh tumna hial a neih chhanah hian social media lamah vun natna tihbaiawm tak a neih thu te, a pasal laka a uire bakah sum hmuhchhuah nan a phalrai tihte’n nasa taka thehdarha ni a, he thuthang makpui pui hi YouTube channel siamtu lar tak pakhatin a tichhuak a, karhmasa khan thu belhchiandawl loh a nih thu court-ah puanchhhah a ni.
Khati anga inpuhna nasa tak khan a nun a vaw chau hman hle.