AZL: Mizoram Presbyterian Kohhran-a Kristian |halai Pawl (KTP)-in Bial Conference an hman chu nizanin khan a tiak.
KTP Pastor Bial Conference hi Zirtawpni zan khan palai lawmna leh report ngaithlain tan a ni a. Nimin khan chawhmaah kumin chhunga hruaitu turte thlangin chawhnuah palaiten ro an rel a; nizanah Pathian biaa inkhawmin Pathianni chawhma, chawhnu leh zanah Pathian faka inkhawm chhunzawm a ni a, nizan khan a tiak a ni.
KTP Bial Conference hman dan tur hi bial committee-in ngaihtuahin a remchan dan anga hman thin a ni a, bial hrang hranga conference hman dan pawh a inang vek lo va. Bial thenkhatah chuan thupui thlan bik speaker-ten an sawi a, bial thenkhatah chuan thupui thlan bik pawh nei lovin bial hruaituten Pathian thuchah an insawi chhawk thin.
Central KTP hruaituten bial hrang hrangah an hmanpui a. Hriat theih chinah KTP hian ram chhungah branch 846, ram pawnah 45, a vaiin branch 891 a nei mek a, member mipa 97,542, hmeichhia 6,288, a vaiin 1,57,830 an awm.