Aizawl : Health Mi- nister Dr R Lalthang- liana’n NITI Aayog member (Health) Dr. VK Paul hmuin, Mizoram mamawhte a sawipui a. Dr. VK Paul chuan Mizoram tana MRI khawl leina tur leh PHC thenkhat tana X-Ray khawl leina tur an bawhzui mek thu Health Minister hi a lo hrilh.
Sorkar thuchhuahin a tarlan danin Dr. VK Paul hian Boeing company-in CSR hmanga Nursing school dinna tur an ngaihtuahsak tur thu leh hma an lo lak zel tur thu pawh Health Minister chu a lo hrilh a. Ni- kuma Mizorama zina meeting neihpui a tum a thulh leh tak avangin kumin February-ah me- eting neih theih a beisei thu a lo hrilh bawk.
Health Minister hian Health Ministry-a Special Secy Gopalkrishnan leh official dangte pawh hmuin, Union Health Minister-in ZMC Academic block a hawn tur chungchang a sawipui niin sorkar thuchhuah chuan a tarlang a. RIPANS-a hna thawh mek te a muan deuh thu thlenin, lo enpuia, Ministry lamin an consultant te lo vila, sa zo thuai tura hmalaksak turin a thlen.
Kum 2019-a Ministry-a a lo nawr tawh post graduate course thar 7 hawnna tur pawh Mizoram bakah northeast pumin an chhawr tur a nih avangin hnalak leh ṭuldangte tirang turin a ngen a. Mizoramin para medical institution a neih chu state dangin an neih zen zen loh a nih thu sawiin, a ngaihpawimawh thu a thlen a, Ministry-a official te chuan an lo bawhzui tur thuin an lo chhang.
H&TE Deptt. chang tu ni bawk Dr R Lal- thangliana chuan Ministry of Education-a Economic Advisor Mr- utyunjay Behera leh MZU Southern campus changtu Joint Secretary te pawh hmuhin, “Bui- lding sak leh infrastructure din chungchangah Mizoram University-in proposal rawn siam se kan lo ngaihtuah dawn nia” tiin an lo chhang bawk a ni.