Aizawl : UD&PA department-in a kalpui insak tanpuina PMAY (Housing for All) chu social audit hmun hnihah neih a ni a. PMAY (HFA)-ah hian Aizawl dist-a beneficiary 3022 te 2nd DPR (1st Installment) Rs. 60,000 theuh sorkain a pe a ni.
PMAY (HFA) Social audit hi NGO pakhat Li- ght for Comprehensive Development (LiFCoDe)-in an kalpui a, an ni hi Independent facilitating ag- ency an ni a. Kum 2019-ah Aizawl, Kolasib, Cha- mphai; 2020-ah Lengpui, Ma- mit, Lunglei, Saitual, Aizawl; 2021-ah Champhai, N. Vanlaiphai, Serchhip leh 2022-ah Bairabi, Darlawn, Khawzawl, Thenzawl, Vairengte-ah te social audit hi an lo kalpui tawh bawk.
Tuntuma Social au- dit hi Central YMA hall, Tuikhuahtlang-ah leh Ra- mhlun Indoor Stadium-ah te neih niin, Insak tanpui- na dawngtu ten tanpuina an dawn an hman dan te sawiin, harsatna nei ten an harsatna tawh te an sawi a. First installment dawng zingah In sa zo tawh an awm nual laiin, damlohna avanga har- satna tawk, in sa mai thei lo te pawh an awm nia thudawn a ni.
Social audit kalpui- tute chuan in nei lo, a sak- na tur sum pawh nei zo lo te hnena in sak tanpuina PMAY chu a hmanna tur dik taka hmang zel turin beneficiary te chu an chah a. Harsatna nei te pawh sorkar hmalakna a hlawh- tlin theihna tura an harsat- na tawh te a thlenna tura thlen turin an chah bawk.