- Ruata
South Korea company Hyundai chuan 2023 Model Grand i10 Nios facelift chu India ram market-ah tlangzarh a ni ta a, petrol leh CNG hmang a awm a. Rs. Nuai 5.69 (ex-showroom) man atangin a intan ang a, Rs. 11,000 chawiin dealer hrang hrangah a book theih a ni.
A pawn leh chhung
2023 Grand i10 Nios hian hmel thar a rawn nei a, a chhunglam pawh an rawn thuam tha lehzual a ni. Grille dum thar a rawn nei a, LED DRL neiin sweptback styled projector headlamp a nei bawk a. 15 inch diamond cut alloy wheel, sharkfin antenna leh LED tail lamp design thar mawi tak a nei bawk a ni.
2023 Hyundai Grand i10 Nios facelift in a kentel hrang hrang zingah hian cruise control, USB fast charger, 8-inch touchscreen infotainment unit with smart phone navigation, wireless phone charging, smartkey with push button start/stop, automatic AC, Apple CarPlay & Android Auto, voice recognition leh rear air-con vent te a nei a. Heng bakah hian a lirthei chhungah hian footwell lighting awmin a chhung hi vutbuak rawng a ni a, Nios embossing thar a awm bawk a ni. Leather wrapped steering wheel leh metal finish inside door handle te a nei bawk a ni.
A rawng
Grand i10 Nios thar hi Monotone rawng chi 6 – Spark Green, Polar White, Titan Grey, Typhoon Silver, Teal Blue leh Fiery Red rawng te a awm a. Dual-tone rawng chi hnih – Spark Green with black roof leh Polar White with black roof te a awm bawk a ni.
Himna hmanrua
i10 Nios thar mawi tak maiah hian himna hmanraw hrang hrang – airbag pali (standard), airbag paruk (top model-ah), TPMS, Electronic Stability Control (ESC), Vehicle Stability Management (VSM), Hill Assist Control (HAC), Automatic headlamp, Child seat anchor (ISOFIX), ABS with EBD, Central Locking, Keyless entry, Reverse parking sensor, Rear defogger leh Day & night inside rear view mirror te a nei a ni.
A khawl
Grand i10 Nios thar hian 1.2-litre 4-cylinder naturally-aspirated petrol engine hmangin he khawl hian 6,000rpm-ah 83PS power leh 4,000rpm-ah 113.8Nm a pechhuak thei a. Transmission lamah chuan 5-speed manual leh AMT te a awm bawk a ni. CNG hmang khawl pawh duhthlan tur a awm a. 1.2L petrol khawl tawmin factory-fitted CNG kit a hmang thung a ni. He CNG hmang hian 6000rpm-ah 69PS power leh 95.2Nm torque a pechhuak thei a. CNG-ah chuan 5-speed manual gearbox chauh a awm thung a ni.
Hyundai Grand i10 Nios hi lirthei lei hlawh, a man rualpui te zinga changkang leh mawi tak mai a ni a. Tunah hian hmel thar nen Hyundai chuan kum 2023 model an lo tlangzarh leh ta a. Lirthei man to lutuk lo, changkang si, mawi bawk si duh tan chuan lirthei duhthlan tur tha tak mai a ni a. A elpuite zingah hmanraw awm changkang pawl leh lirthei thawm that pawl tak a ni bawk a ni. Market lamah pawh Hyundai-in an chet that pui leh viau pawh a beiseiawm a ni.