Aizawl : Kum liamta (2022) chhung khan Champhai district-ah ram kang vawi 210 a thlengin, ram hectare 3243.08 a zau a kang nia chhut a ni a. Heng zinga vawi 209 (hectare 3205) chu Lo/leipui/huan hal vanga kang a ni.
Champhai district (Khawzawl district la telin)-ah ngaw dur chhah tha (very dense forest) Sq. Km 55.36 a zau awmin, ngaw dur chhah tha lutuk lo (moderately dense forest) Sq. Km 942.9 a zau leh ram hring pangngai (open forest) Sq. Km 1375.63 a zau awm anga chhut a ni a. Ram zau zawng atanga chhuta zaa 74.53 chu Ram hring (forest) a ni bawk.
Kum hnih kalta 2019-2021 chhunga Mizoram puma ram hring (forest) hloh zat Sq. km 185.51 a zau niin, heng zinga Sq. Km 113.90 a zau chu Chanmphai district (Khawzawl district la telin) chhung ami a ni.
Kum hnih dana tihchhuah thin India state of Forest report (ISFR) 2021 in a tarlan danin, Mizoram pum zau zawng atanga chhuta zaa 0.74 chu ngaw dur chhah tha (very dense forest) niin, ngaw dur chhah tha lutuk lo (moderately dense forest) zaa 26.11 a awm a, ram hring chin (forest) zau zawng zaa 84.53 a ni.
Sorkar thuchhuahin a tarlan danin ram tikangtu tam zawkte chu mumal taka hriatchian theih an nih loh thin avangin nikum chhungin Champhai district-ah ram tikang- tu pakhat lakah FIR thehluh a ni a. Nikum chhung vek khan lo hal hun bituk chhunga ro- khawlhna avanga hal hman lo khaw 3 ten thuneitute hnenah phal na lain an hal bawk.
Champhai District Fire prevention committee chu nimin khan an Chairman, Bawrh- sap James Lalrinchhana hovin an thukh- awm a. He thutkhaw- ma tel Champhai DFO Lalduhthlana chuan Champhai district chu India rama ram kang thlen tam zualna state 11 hnuaia district 26 zingah a tel thu sawiin, kangmei ven kawnga hmalakna tur project Rs. vbc 19 hu, kum 2022-23 atanga 2026-27 (kum 5) chh- unga kalpui tur siam a nih thu leh sorkar laipui pawmpui tura thawn a nih thu a sawi.