PC party President Vanlalruata’n Mizorama BJP ṭhang chho zel danchah tul an tih thu sawiin, “BJP beihrawn puiah party, pawl leh mitinte ka sawm a ni” a ti.
Nimina PC party hruaitute thutkhawm ah he thu hi PC President chuan a sawi a. PC party thupui “Kan Ram, Kan Hnam, Kan Sakhua a him tur a ni” tih nena enkawpin Mizorama BJP ṭhang chho zel chu PC party chuan danchah tul an tih thu a sawi a ni.
Vanlalruata chuan “BJP hi political party pakhat a ni a, party a nihnaah sawichhiat emaw sawihnawm bik tur a ni lo, sorkarna an chana an hmalaknaah pawh thil ṭha tam tak an ti” tiin, an hmalakna leh thil tum ṭhenkhat erawh chu Mizoram, Mizo hnam leh Kristianna tan a tha lo tih sawiin, “Hei hi Mizo ten kan dolet a ngai a ni” a ti
BJP chu Mizoram ah an ṭhang lian chho ve mek nia sawiin, Vanlalruata chuan MLA leh VC te an neih bakah Autono- mous district council lamah an insawhnghet chak hle niin a sawi a. Mizoram, Mizo hnam leh Kristian sakhaw himna atan an ṭhang- lian zel tur chu dan ngai an tih thu sawiin, tanrualpui atan political party leh pawl dang zawng zawng leh mitin an sawm tih a sawi bawk.