Aizawl : MNF Thalai President Dr L Thangmawia chuan, chief minister Zoramthanga kaihhruai MNF sorkar chu huapzo sorkar niin a sawi.
Mizo Hnam Runa nimina chhung inkhawmah thu sawiin Dr L Thangmawia, MLA chuan, Congress sorkar hmasak hun laia Land Use policy chu eptu bial tan chuan beisei ngam a nih loh laiin, MNF sorkar chuan ruling leh opposition bialah SEDP dawngtu tur inzat theuhin a ruahman nia sawiin, “Pu Zoramthanga kaihhruai sorkar chu huapzo sorkar a ni,” a ti.
Dr. L. Thangmawia chuan MNF sorkar chuan sorkar hmasain a tih tawh, thil tha chu a chhunzawm zel a. Thil tha lo zing ami sorkar zu zawrh te chu an titawp mai nia sawiin, MNF hi Pathianin Mizote tana a pek a nih thu a sawi a. “MNF hi kan hnam, kan sakhua leh kan ram a ral loh nana din a ni. He principle hi kan zawm tlat chuan Pathianin min thlahthlam lo ang tih ka ring,” a ti a. Mite’n diriamin, bei hle mah se Pathianin he hnam tan hian a din tlat avangin a chawisan zel a rin thu a sawi.
Mizo Hnam Run-a chhung inkhawm hi K. Vanlalauva, Treasurer-in a kaihhruai a ni.