Kum 5 hnu a stage a mawi vawikhatna ni tura Dubai Atlantis Royval live show neitu Beyonce laka fan te rilru a phir nasa.
US megastar hian hotel changkang tak Atlantis The Royal hawnnaah inlanin, Dubai-a private concert a neih hi mi tin tan lo phur hluaina erawh a ni lem lo.
He hunah hian phone kenluh khap bur a ni a, seat 1,500 lenna show erawh social media lamah nasa taka thehdarh a ni thung.
Queen B lo let lehna hi fan tam tak tan lungawina tling ni viau mah se, Dubai-ah taksa anpu kawp khap burna dodaltute tan erawh thinrim a tizual sauh si a ni.
A album thar ber, hit bawk si, ‘Renaissance’ ah khan black queer culture chawimawina hmuh theih a ni a, LGBT icons atangin ‘idea’ a la nghe nghe bawk.
Hei vang hian fan te rilru a phir a, inthenhranna nasa tak a thlen bawk vangin Beyonce te concert, hlawh tam uchuakna ni bawk si chungchangah hian thu a inhmu thei lova, a fan ruhkawl te ngei ngei pawh social media lamah a thu inchuhin an vir buai hle.Ani erawhin ngawih a chuh thung.