Fate lakah a vin sâwt viau em? Hauh a ching thar em?
In-a awm nuam ti thin tak kha lenchhuah a uar sawt em?
Zan laiah te hian a tho (harh) leh nulh thin em? Phone a khawih duh vang a ni thei a, i mut tawhkha chuan zalen taka a tihtur a tihtheih thin vang a ni.
Phone a hman danah a rinhlelhawm em? Phone te hi a keipui sa hauh bur thin em? A bul hnai deuha i awm tawh chuan a hum bet tlat thin em? Kawppui dang nei thinte hian phone hi an leklam ber thin ania.
Recent call list paih (delete) a taima thar thut em? Message te kha a bo leh duak zel lo maw?
Phone a hman laia i lo awm ve chângte hian tawng danglam, lam tawi leh hriat harsa tak te a hmang thin em? A hriat phaka i awmte khan nuam lo tihna a nei em?
Wallet/purse leh briefcase kha midang khawih a remti lo bur thin em?
In-a inawm dun paw’n a a hlat hram hram thin che em?
I mitah takte khan a en tha ngam thin em?
A chhuah hian a thangrei thin em?
Inhnialna ang chi pumpelh hram a tum thin em? Mipa te hian an kawppuite an bum tawh hi chuan hmachhawn an hreh ngawih ngawih thin. Inhnial leh inhmachhawn lohna tur zawngin a phi ruai tawh mai ang.
Tunhmaa nuam taka a lo tih thinte a bansan hret hret em? Infiamna emaw a hobby ang chi te?
Kum tam a hmuh ngai tawh loh a thian hlui, an chanchin pawh a hrih ngai miah loh che kha a be thar leh thut em?
Hmeichhe/mipa thawmhnaw, incheina leh tlereuh bakah, perfume thlengin a hriatna a zau tulh tulh lo maw?
A thawmhnaw ama suk tlat te a duh em? Thleh leh thil senghawi chungchangah a taima thar thut em?
Tunhnai deuh atang khan I chhungte leh thiantha te tlawh deuh fo turin a hrilh thin che em?